Тимати веб-дизайн студиясига асос солди

Сўнгги пайтларда ўзини санъатдан бошқа соҳаларда ҳам синаб кўраётган Тимати бургер шаҳобчалари ва либослар дўкони фаолиятини йўлга қўйган эди. Эндиликда ижодкор ҳамкорлари билан биргаликда веб-дизайн студиясига ҳам асос солди.

Хабар берилишича, ушбу студия турли жабҳалардаги веб-лойиҳаларни ишлаб чиқади. Студиянинг дизайнерлар гуруҳи Тиматига қарашли бургер шаҳобчалари сайти ва мобил иловаси, шунингдек либослар дўкони учун алоҳида мобил илова ишлаб чиқишган.