Тйсон Фурй ва Златан Ибрагимович Морекамбе клубини сотиб олмоқчи
Бокс бўйича оғир вазн тоифасида жаҳон чемпиони Тйсон Фурй ва Милан афсонаси Златан Ибрагимович Англиянинг Морекамбе клубини сотиб олиш масаласини муҳокама қилмоқда. Хабарларга кўра, бу лойиҳа Рян Рейнолдс ва Роб МкEлҳеннейнинг Врехҳам клубидаги муваффақиятидан илҳомланган ҳолда амалга оширилиши кутилмоқда. Бу ҳақда Goal.com хабар беради.
Икки юлдуз Полшада жаҳон чемпионати рекламасини суратга олиш жараёнида ушбу лойиҳани батафсил кўриб чиқишган. Ибрагимович Манчестер Юнайтед сафида тўп сурган йилларида Фурй билан яқин дўст бўлиб қолган эди. Эндиликда улар нафақат клубни сотиб олиш, балки Netflix платформаси учун "Рисе оф Морекамбе" номли ҳужжатли фильм суратга олишни ҳам режалаштирмоқда.
Тйсон Фурй ижтимоий тармоқларда ўзининг менежери Спенсер Браун билан тушган суратини жойлаб, тез орада катта янгиликлар бўлишига шама қилди. Златан Ибрагимович ҳам ўз навбатида Фурй билан бирга тушган суратларини улашиб, мухлислар эътиборини тортди. Швециялик собиқ ҳужумчи яқинда Фох телеканалида эксперт сифатида иш бошлашини ҳам тасдиқлаган эди.
Морекамбе клуби Фурй учун бегона эмас. Боксчи 2020-йилда клубнинг "Мазума Стадиум" ўйингоҳи ҳудудидан бино сотиб олган ва у ерда ўзининг асосий машғулот базасини ҳамда Тйсон Фурй Фоундатион жамғармасини ташкил қилган. Шу сабабли, клуб эгалигини қўлга киритиш Фурй учун мантиқий қадам сифатида кўрилмоқда.
Агар ушбу келишув амалга ошса, бу Златан Ибрагимович учун футболчилик фаолиятини якунлаганидан кейинги энг йирик лойиҳа бўлади. Врехҳам тажрибаси шуни кўрсатдики, жаҳон даражасидаги юлдузларнинг қуйи лига клубларига келиши жамоанинг глобал миқёсдаги нуфузини ва даромадларини кескин ошириши мумкин.
