Ford "чиқинди"дан дунёдаги илк экологик электромоторни яратди
Британиянинг Ионик Течнологиес компанияси бошчилигидаги консорциум Ford иштирокида 100 фоиз қайта ишланган нодир металлардан тайёрланган магнитли электромотор синовларини муваффақиятли якунлади. Буюк Британиядаги Ford илмий-тадқиқот марказида ўтказилган тестлар шуни кўрсатдики, бундай моторларнинг унумдорлиги ва чидамлилиги бирламчи хомашёдан тайёрланган агрегатлар билан бир хил даражада. Бу ҳақда Ixbt.com хабар беради.
Бу қайта ишланган нодир элементларнинг автосаноатнинг қатъий тижорат стандартларига биринчи уринишдаёқ тўлиқ мос келишини исботлаган дунёдаги илк ҳолатдир. Технологик жараён бир неча босқичдан иборат бўлди: дастлаб Ионик Течнологиес Бельфастдаги заводида неодим-темир-бор (НдФеБ) магнитлари парчасидан юқори тозаликдаги неодим, диспрозий ва тербий оксидларини ажратиб олди.
Кейинги босқичда Лесс Коммон Metaлс (ЛКМ) компанияси ушбу оксидларни махсус қотишмага айлантирди, Германиянинг ГКН компанияси эса улардан тайёр доимий магнитларни ишлаб чиқарди. Якуний босқичда Ford муҳандислари Хейлвуддаги заводда иккита синов роторини йиғиб, стендда ресурс синовларини ўтказдилар.
Ушбу лойиҳа Европа бозори учун стратегик аҳамиятга эга, чунки ҳозирда нодир металлар соҳасида Хитой ҳукмронлик қилмоқда ва экспорт назоратини кучайтирмоқда. Диспрозий ва тербий каби элементлар автомобил магнитларининг юқори ҳароратга чидамлилиги учун ўта муҳим ҳисобланади.
Ҳозирда Ионик Течнологиес Бельфастда қиймати 85 миллион фунт стерлингга тенг бўлган тижорат заводини қуриш бўйича якуний қарорни қабул қилишга тайёрланмоқда. Мазкур корхона йилига 400 тоннагача тозаланган нодир металл оксидларини ишлаб чиқариш қувватига эга бўлади.
