Дунёдаги энг кўп сотилувчи планшет маълум қилинди

IDC компанияси мутахассислари дунёда энг кўп сотилувчи планшет қайси эканлигини аниқлашди. Маълум бўлишича, бу борада етакчи iPad ҳисобланади, унинг жаҳон бозоридаги улуши 30 фоизни ташкил қилган, деб хабар бермоқда Kun.uz.

2-ўринни Samsung эгаллаган, унинг улуши 15,8 фоизни ташкил қилмоқда. Етакчи учликдан Хитойнинг Huawei компанияси 8 фоизлик кўрсаткич билан ўрин олган.

Планшетларга умумий талабнинг пасайиши вақтида фақатгина Apple гаджетлари савдоси ошган. Таҳлилчиларнинг фикрларича, компаниянинг бундай муваффақияти иккита янги маҳсулот чиқаргани ҳамда ҳамёнбоп нарх сиёсати билан боғлиқ.