Urushning 106-kuni: Severodonetsk uchun shiddatli janglar, sharqdagi hududlardan evakuatsiya davom etmoqda

Urushning 106-kunida o‘zini o‘zi mustaqil deb e’lon qilgan «DXR» sudi uch nafar xorijlikni (ikki britaniyalik va bir marokashlik) Ukraina tomonida turib harbiy harakatlarda ishtirok etgani uchun o‘limga hukm qildi. Ukraina mudofaa vaziri Aleksey Reznikov mamlakat qurolli kuchlari Donbassdagi harbiy harakatlarda har kuni o‘rtacha 100 nafar atrofida harbiysidan ayrilayotganini, yana 500 kishi yaralanayotganini ma’lum qildi. «DXR» kuchlari Slavyansk uchun janglar boshlanganini e’lon qilgan.

^{Britaniyalik Eyden Aslin, marokashlik Saadun Ibrohim va yana bir britaniyalik Shon Pinner tan olinmagan «DXR» hukumati tomonidan «Ukraina qurolli kuchlari safida yollanma jangchilar sifatida jang qilgani» uchun o‘limga mahkum etildi. Aslida ularning uchalasi ham bir necha yildan buyon Ukrainada yashab kelgan va shartnoma asosida Ukraina armiyasida xizmat qilgan, Aslin esa Ukraina fuqaroligini ham olgandi. Foto: Vladimir Gerdo / TASS}
Urushning 107-kuni. So‘nggi ma’lumotlar

Ukraina harbiy razvedkasi rahbari o‘rinbosari Vadim Skibitskiy Britaniyaning Guardian gazetasiga bergan intervyusida Ukraina Donbassda olib borilayotgan artilleriya urushida yengilayotganini aytdi: uning so‘zlariga ko‘ra, ukrainlardagi artilleriya qurollari rossiyaliklarnikidan 10-15 barobar kamroq, Ukraina ittifoqchilari o‘zlarida bor qurollarning faqat 10 foizini berishgan. Shuningdek Ukrainada sovetlar qurollari uchun snaryadlar tugamoqda.

Ukraina bosh shtabining 10 iyun tongidagi axborotida Rossiya qo‘shini muhim tayanch punti Baxmut tomon ilgarilayotgani aytilgan: bosh shtab Rossiya yurishi Vozdvijenka-Rota rayonida «qisman muvaffaqiyatga erishayotgani»ni qayd etgan - bu rayon Baxmutdan bir necha kilometr sharqda joylashgan.

Ukraina armiyasining «Janub» operativ qo‘mondonligi 9 iyun kungi axborotida ukrain aviatsiyasi raqibning daryo kechuvida to‘plangan texnikalari va shaxsiy tarkibiga, Xerson oblastidagi beshta turli aholi punktlarida joylashgan dala omborxonalariga davomli zarbalar berganini ma’lum qilgan.

Bloomberg agentligi payshanba kuni anonim manbasiga asoslangan holda Yevropa komissiyasi keyingi hafta oxirida Ukrainaga Yevropa Ittifoqiga a’zo bo‘lishga nomzod mamlakat maqomini berish bo‘yicha rasmiy tavsiya berishi mumkin, ammo bunday qaror Yevroittifoq sammitida konsensusga erishish orqali qabul qilinadi, ayrim davlatlar esa - kamida, Niderlandiya va Daniya - Ukraina hali tayyor emas deb hisoblamoqda.

Quyida 9 iyun kuni Ukrainaning turli hududlarida olingan suratlar.

Nikolayev

^{Nikolayev aholisi chuchuk suv uchun navbatda. Nikolayev oblasti ma’muriyati rahbari Vitaliy Kim shahar va atrofdagi aholi punktlari rossiyaliklar tomonidan doimiy ravishda o‘qqa tutilayotgani va bosqin xavfi saqlanib qolayotganini aytgan.
Edgar Su / Reuters / Scanpix / LETA}
Donetsk

<sup>Zarbalar vaqtida halok bo‘lgan rafiqasi jasadi ustidagi er
Valentin Sprinchak / TASS

Ukrainlar tanki Donetsk oblasti bo‘ylab harakatlanmoqda.
AP Photo/Bernat Armangue</sup>
Xarkov

<sup>Xarkov rossiyaliklar tomonidan o‘qqa tutilishidan keyin xususiy turar joy binolari yonishi davom etmoqda
Ivan Alvarado / Reuters / Scanpix / LETA

Ukrainalik qutqaruvchilar Xarkovga uchirilgan snaryad kelib tushgan joyda avtomobilni joyidan qo‘zg‘atishga urinmoqda.
Ivan Alvarado / Reuters / Scanpix / LETA</sup>
Donbass shimoli

<sup>Severodonetskdagi front liniyasida joylashgan yo‘l bo‘yidagi avtomobillar qoldiqlari. Shahar uchun og‘ir janglar davom etmoqda.
Oleksandr Ratushniak / AP / Scanpix / LETA

Ukraina qurolli kuchlari askarlari Severodonetsk frontida dron orqali rossiyaliklar pozitsiyasini kuzatishmoqda
Oleksandr Ratushniak / AP / Scanpix / LETA

Dronni boshqarish. Foto: Oleksandr Ratushniak / AP / Scanpix / LETA

Ukrainalik askar Severodonetsk frontidagi janglar vaqtida jangovar pozitsiyani egallamoqda.
Oleksandr Ratushniak / AP / Scanpix / LETA

Ratsiya tutgan ukrain askari Severodonetskdagi og‘ir janglarda qatnashmoqda
AP Photo/Oleksandr Ratushniak

Ukrain askari Severodonetskdagi front chizig‘ida janglarning borishini kuzatmoqda
AP Photo/Oleksandr Ratushniak

Ukrain askari Severodonetsk uchun janglar vaqtida jangovar pozitsiyada turibdi
AP Photo/Oleksandr Ratushniak

Ukrainalik askar Severodonetsk frontidagi janglar vaqtida jangovar pozitsiyada turibdi.
AP Photo/Oleksandr Ratushniak

Ukrainalik pulemyotchi Donbass frontining Gorlovka shahri yaqinidagi Nyu-York posyolkasidagi uchastkasida.
Gleb Garanich / Reuters / Scanpix / LETA

Ukraina qurolli kuchlari harbiylari Nyu-York ostonasida
Gleb Garanich / Reuters / Scanpix / LETA

Rossiyaliklarning artilleriya zarbalari oqibatida halok bo‘lgan tinch aholi vakillari Lisichansk atrofidagi birodarlik qabristonida. Rossiya va «LXR» kuchlari shahar tez orada shturm qilinishini aytishgan.
Aris Messinis / AFP / Scanpix / LETA

Slavyanskdan tinch aholi vakillari evakuatsiyasi. «DXR» shahar uchun janglar boshlanganini e’lon qilgan.
Aris Messinis / AFP / Scanpix / LETA

Lisichanskdan evakuatsiya avtobusi jo‘nashini kutayotgan ona va bola.
Aris Messinis / AFP / Scanpix / LETA

Furgon boshqaruvidagi Yuliya o‘z onasi va qo‘shnilarini Zaporojega olib ketmoqda. Ko‘ngilli haydovchilar front chizig‘idagi ukrainlarga gumanitar yordamlar yetkazish va u yerdan ketishni istaganlarni evakuatsiya qilish uchun o‘z hayotlarini xavf ostiga qo‘yishmoqda.
AP Photo/Francisco Seco</sup>
Kiyev