Ukrainani tiklash uchun 350 milliard dollar kerak

^{Foto: RT / Sova.news}
Jahon banki, Yevrokomissiya hamda ukraina hukumati hamkorlikda o‘tkazgan yangi hisob-kitoblar Ukrainani urushdan so‘ng tiklash qariyb 350 mlrd AQSH dollariga tushishini ko‘rsatmoqda.

Rossiya armiyasi to‘g‘ridan-to‘g‘ri yetkazgan moddiy zararni Jahon banki 97 mlrd dollarga baholadi. Ukraina yalpi ichki mahsuloti, Rossiya bosqiniga qadar, 2021 yilda 200 mlrd dollarni tashkil etgandi.

Yevropa ittifoqi eng muhim infratuzilma hamda hukumat faoliyatini qo‘llab-quvvatlash uchun Ukrainaga bugun 5 mlrd yevrolik makromoliyaviy yordam ajratdi.