Putinning murojaati 21 sentyabrda, Uzoq Sharq uyg‘onganidan so‘ng namoyish etiladi — Forbes

^{Foto: Postimees.ru}
Prezident Putin 20 sentyabr kuni rossiyaliklarga murojaat qilishi kutilayotganini yozgandik. Katta ehtimol bilan millionlab odamlar kutgan murojaat 21 sentyabrga ko‘chirildi.

Forbes prezident administratsiyasidagi o‘z manbalariga asoslanib, quyidagi mazmunda xabar tarqatdi: «Putinning yozib olingan murojaati 21 sentyabrda, Uzoq Sharq uyg‘onganidan so‘ng namoyish etiladi».

Shuningdek, Kremlga yaqin siyosatchi Sergey Markov Putinning efiri ertaga (bizning vaqt bilan bugun — 21 sentyabrga) qoldirilgani haqida xabar bergan.

Rossiyalik targ‘ibotchi Vladimir Solovyov o‘z telegram-kanalida birgina — «ertaga» so‘zini yozib qoldirdi. Yana bir targ‘ibotchi Margarita Simonyan esa «uxlashni» tavsiya qildi.

RT va Birinchi (Perviy) kanal translyatsiya anonslarini o‘chirib tashladi.

Kreml puli jurnalisti Dmitriy Smirnov o‘z telegram-kanalida aniqroq ma’lumot berdi: «Soat sakkizlarda turing».

Jurnalistlarning eng asosiy manba — Rossiya prezidentining matbuot kotibi Dmitriy Peskov bilan aloqaga chiqishga urinishlari behuda ketdi.