Turkiyada restoran portladi, yetti kishi halok bo‘lgan (foto va video)

^{Foto: TRT Haber}
Bugun, 30 dekabr kuni Turkiyaning g‘arbidagi Aydin shahrida (shu nomdagi viloyat markazi) joylashgan restoranda portlash yuz berdi.

^{Foto: Cumhuriyet}

Anadolu Ajansı viloyat rahbariga asoslanib xabar berishicha, fojia oqibatida kamida yetti inson hayotdan ko‘z yumgan. Dastlabki ma’lumotlarga ko‘ra, 4 kishi jarohatlangan.

Portlash vaqtida restoranda 20 kishi bo‘lgan, restorandagi ikki kishi binoning ikkinchi qavatidan sakragan.

^{Foto: Cumhuriyet}

Voqea joyida favqulodda xizmat xodimlari ish olib boryapti. Hodisa sababi va jabrlanganlar soniga aniqlik kiritilmoqda.

<sup>Foto: Cumhuriyet

Foto: Cumhuriyet

Foto: Cumhuriyet</sup>
Voqea aks etgan kadrlarda portlash kuchli bo‘lgani va binoga jiddiy zarar yetkazganini ko‘rish mumkin. Hodisa joyida maxsus xizmatlar ishlamoqda, shifokorlar jarohatlanganlarga yordam bermoqda.