Qirg‘izistonda o‘zbekistonliklarga qalbaki pasport tayyorlab bergan ayol ushlandi
Foto: videodan kadr
Qirg‘izistonning O‘sh viloyatida Qirg‘iziston fuqarolarining qalbaki pasportlarini tayyorlash kanali aniqlandi. Bu haqda Qirg‘iziston Milliy xavfsizlik davlat qo‘mitasiga tayanib 24.kg xabar berdi.
«O‘sh viloyatida tug‘ilgan, Qirg‘iziston fuqarosi bo‘lgan ayol ushlandi. U «Islomiy davlat» xalqaro terrorchilik tashkiloti a’zolarining iltimosiga ko‘ra, O‘sh idoralaridagi aloqalari orqali terrorchilik faoliyatida ishtirok etganlikda ayblanib, qidiruvda bo‘lgan O‘zbekiston fuqarolariga Qirg‘iziston Respublikasining qalbaki pasportlarini tayyorlab bermoqchi bo‘lgan», deyiladi xabarda.
Gumonlanuvchining uyida tintuv o‘tkazilganda Qirg‘iziston Respublikasi fuqarosining ikkita pasporti topilgan. Tergov ularning haqiqiyligini tekshirmoqda. Hozirda tergov jarayoni davom etmoqda.
Mavzuga oid yangiliklar
Maʼlumot Mehmon guruhidagi foydalanuvchilar ushbu maqolaga izoh qoldira olmaydi.
