Eron Pokemon GO o‘yinini taqiqlagan birinchi mamlakat bo‘ldi

Eron Islom Respublikasi hukumati xavfsizlik nuqtai-nazaridan Pokemon GO o‘yinini taqiqladi BBC News\'ga asoslanib Kun.uz xabar qilmoqda. Ushbu qaror mamlakatning internetdagi faolligini nazorat qiluvchi, virtual kenglik bo‘yicha Oliy kengashi tomonidan qabul qilingan.

Ammo, o‘yinning qaysi jihati mamlakat va fuqarolari xavfsizligiga tahdid solayotganiga oydinlik kiritilmagan. Rasmiy Tehron taqiqni joriy etishdan avval, ilovani ishlab chiqqanlar, ular bilan naqadar hamkorlik qilishga tayyorliklarini o‘rganib chiqqan.

Eron hukumati boshqa qator mamlakatlar bilan birga, Pokemon GO o‘yinining xavfsizligi borasida xavotirlarini bildirgan edi. Bundan avval, Saudiya Arabistoni diniy ulamolari Pokemon GO o‘yiniga qarshi fatvo bergan edi.