Turkiyada besh nafar oʻzbekistonlik vafot etdi

^{Illyustrativ foto}
2025 yil 14 yanvar kuni Istanbul shahridagi Bosh konsulxonaga qoʻlbola spirtli ichimlik iste'moli oqibatida zaharlanib vafot etgan 5 nafar yurtdoshlarimizning yaqin qarindoshlari murojaat qildi deyiladi konsullik xabarida.

Ushbu noxush holatlar Istanbul shahrining Aksaray tumanida sotib olingan spirtli ichimlik iste'moli oqibatida yuzaga kelgan.

Vafot etgan fuqarolarimiz asosan 35–40 yoshdagi erkaklardir.

Shu munosabat bilan, Istanbul shahridagi Bosh konsulxona barcha fuqarolarni spirtli ichimliklardan tiyilishga va ehtiyotkorlikka chaqirgan.