OAV Tramp va Elizaveta II uchrashuvi rejasi haqida xabar tarqatdi

Buyuk Britaniya hukumati AQShning yangi saylangan prezidentini keyingi yilning yozida davlat tashrifi bilan kelishga taklif etmoqchi.

The Sunday Times nashrining yozishicha, qirolicha Elizaveta II AQShning yangi prezidenti bilan uchrashuvda bu mamlakat bilan Buyuk Britaniyaning aloqalarini mustahkamlashi kerak bo‘ladi.

Xabar qilinishicha, 20 yanvardan keyin, Tramp qasamyod qilib, o‘z vazifasiga kirishgandan keyin bu borada rasmiy taklif bilan chiqiladi.

Nashr manbalaridan birining ma’lumotiga ko‘ra, qirolicha bilan uchrashuv hukumat uchun Tramp bilan aloqalarni yaxshilashda «maxfiy qurol» vositasini o‘taydi.

Qayd etilishicha, bosh vazir Tereza Mey saylovdan keyin Tramp bilan qo‘ng‘iroqlashganida, unga uning onasi — shotland bo‘lgani, u qirolichaning katta muxlisi bo‘lgani haqida eslatgan. Bundan tashqari, Tramp Mey orqali Elizaveta ikkinchiga salom yo‘llagan.