AQSh Kongressi quyi palatasi Ukrainaga harbiy yordam berilishini ma’qulladi

Senator Jon Makkeyn tomonidan tashabbus bildirilgan, AQSh milliy mudofaasini moliyalashtirish va Ukrainaga harbiy yordam ajratish qonun loyihasi AQSh kongressi vakillar palatasida ma’qullandi.

Ma’lum qilinishicha, Vashington Kievga 2017 yilda ajratadigan yordamning umumiy qiymati 350 mln dollarni tashkil qiladi.

Qonun loyihasiga ko‘ra, AQSh harbiy byudjetining umumiy miqdori keyingi yilda 618,7 mlrd dollarni tashkil qilishi kerak.

Qonun loyihasini yuqori palata – Senatda ko‘rilishi keyingi haftaga rejalashtirilgan.