Yerning ikki yarim sharida joylashgan stadion haqida eshitganmisiz?
Braziliya shimolida, Makapa shahrida joylashgan futbol stadioni haqiqatan ham dunyodagi eng noodatiy sport inshootlaridan biri hisoblanadi. U nafaqat arxitekturasi bilan, balki joylashuvi bilan ham barcha diqqatni o‘ziga tortadi.
Bu stadionning eng qiziq jihati — uning markaziy chizig‘i aynan Yerning ekvatori bo‘ylab o‘tadi. Shu sababli, o‘yin davomida har bir jamoa turli yarim sharlarda — ya’ni shimoliy va janubiy yarim sharda to‘p suradi.
1990-yilda foydalanishga topshirilgan inshoot “Estadio Milton Correa” deb ataladi, ammo mahalliy aholi va futbol muxlislari uni “Zerão”, ya’ni “Katta nol” deb nomlaydi. Bu lafz ekvator chizig‘i — Yerning geografik “noli” bilan bog‘liq.
Arxitektorlar stadionni maxsus tarzda shunday loyihalashtirganki, maydonning markaziy chizig‘i aynan ekvatorni kesib o‘tadi. Bu dunyodagi yagona shunday stadion hisoblanadi. Shu bois u nafaqat sport muxlislarining, balki turistlarning ham diqqat markaziga aylangan.
