Tramp: Bojlar tufayli Amerika rekord boylikka erishdi

AQSH prezidenti Donald Trampning ta’kidlashicha, Qo‘shma Shtatlar hozirda dunyodagi eng boy mamlakat hisoblanadi va bu holatda bojlarni joriy etish muhim rol o‘ynagan.

Sharm ash-Shayxdan Vashingtonga parvoz vaqtida jurnalistlar bilan suhbatlashgan Tramp shunday dedi:

“Men ishonamanki, tariflar tufayli biz yuzlab milliard dollar daromad olayotgan dunyodagi eng boy davlatga aylandik”, — dedi u.

Ma’lumot uchun, 2 aprel kuni AQSH prezidenti 185 ta davlat va hudud mahsulotlariga nisbatan yangi bojlar joriy etilganini e’lon qilgan edi. Keyinchalik Tramp ayrim mamlakatlar uchun tarif miqdorlarini o‘zgartirish haqida qaror qabul qildi.