Tanasini 74 880 ta straza bilan qoplab, jahon rekordini o‘rnatdi

Britaniyalik vizajist o‘z tanasini 74 880 dona yaltiroq straz bilan bezab, jahon rekordini yangiladi. Uning ajoyib va jozibali obrazi internetda katta qiziqish uyg‘otdi.

Bu g‘aroyib ishni amalga oshirish uchun vizajistlar jamoasi 15 soatlik mehnat sarflagan.

Shu paytgacha bu sohadagi rekord italiyalik Federika Cherakkaga tegishli bo‘lib, u 2010 yili tanasini 33 139 ta straz bilan bezagan edi. Britaniyalik Myurrey esa bu ko‘rsatkichni deyarli ikki barobarga oshirib, yangi tarix yaratdi.