Tramp: «Xitoy Tayvanga hujum qilsa, oqibatini biladi»

AQSH prezidenti Donald Tramp CBS telekanalida efirga uzatilgan “60 Minutes” dasturida Tayvan masalasiga oid savollarga javob berdi. Suhbat davomida u Xitoyning ehtimoliy harbiy harakatlariga munosabatini bildirdi.

Jurnalist Trampdan so‘rab:

— Agar Si Szinpin Tayvanga qarshi harbiy operatsiya boshlasa, siz AQSH qo‘shinlariga uni himoya qilish buyrug‘ini berasizmi? — deb so‘radi.

Tramp bu savolga shunday javob berdi:

— Agar bunday holat yuz bersa, natijasini o‘shanda bilasiz.

Jurnalist nega u bu haqda ochiqroq gapirmayotganini so‘raganida, Tramp:

— Men o‘z sirlarimni ochib qo‘ya olmayman, — deb javob berdi.

Shuningdek, u Si Szinpin bilan uchrashuvlarda Tayvan mavzusi ko‘tarilmaganini ta’kidlab, Xitoy rahbariyati ehtimoliy harakatlarining oqibatini yaxshi tushunib turganini qo‘shimcha qildi.