Begemot arslonning boshini uzishiga bir bahya qoldi (video)

Keniyaning janubiy-g‘arbiy qismida joylashgan Masai-Mara qo‘riqxonasiga tashrif buyurganlar och arslon bilan begemotning jangiga guvoh bo‘ldi, deb xabar berdi Darakchi nashri.

Mazkur videorolikda begemot va och arslonning jangini ko‘rish mumkin. Arslon uxlab yotgan begemotni tishlashga harakat qildi. O‘rnidan sakrab turgan begemot arslonning boshini uzishiga bir bahya qoldi. Arslon begemotning domidan qochib qutulishga muvaffaq bo‘ldi va hech bir jarohatsiz jang maydonini tark etdi.

Mazkur videorolik ijtimoiy tarmoqlarda mashhurlikka erishdi. Uni ikki milliondan ortiq foydalanuvchi tomosha qildi.