Mixail Saakashvili ochlik e’lon qildi

Odessa sobiq gubernatori Mixail Saakashvilining advokati Ruslan Chernolutskiy siyosatchining ochlik e’lon qilgani haqida ma’lumot berdi.

Xabarda aytilishicha, Saakashvili 60 sutkaga ozodlikdan mahrum etilguday bo’lsa, ochlikni “yanada qat’iyroq ko’rinishda” davom ettiradi.

Advokatning so’zlariga qaraganda, ayni paytda Saakashvilining qon bosimi oshib ketgan, uning yoniga shifokor ham tashrif buyurgan.

Chernolutskiy siyosatchining maktubini omma e’tiboriga taqdim qildi. Maktubda siyosatchi ayblovlarni rad etib, 10 dekabr kuni Ukraina fuqarolarini “Impichment uchun marsh” aksiyasida qatnashishga undagan.