Yelizaveta II ning yana bir nabirasi turmush qurish uchun tayyorgarlik ko’rmoqda

Yelizaveta II ning nabirasi malika Yevgeniya Londondagi tungi klublarning birida boshqaruvchi sifatida ish olib boradigan Jek Brusbenk bilan turmush qurish arafasida. Kuni kecha malika bo’lg’usi umr yo’ldoshi tomonidan taqdim etilgan unashtirish uzugini omma qarshisida namoyish etdi.

Xabarda aytilishicha, malikaning unashtirish uzugi yirik sapfir toshi bilan bezatilgan. Malikaning onasi Sara Fergyusson ham Yevgeniyaning otasi bilan unashtirilgan payti aynan shunday uzuk taqqan edi.

Ayrim manbalarda juftlik o’rtasidagi munosabatlar 8 yildan buyon davom etayotgani va to’yning kuzda bo’lib o’tishi rejalashtirilayotgani aytilmoqda.