Putin zudlik bilan fojia yuz bergan Magnitogorskka yetib bordi

Rossiya prezidenti Vladimir Putin gaz portlashi oqibatida halokat sodir bo‘lgan Chelyabinsk oblastiga favqulodda uchib keldi, deyiladi Kun.uz xabarida. Aytilishicha, Putin Magnitogorskka fojia natijasida jabrlanganlar va oblast rahbariyati bilan uchrashadi.

31 dekabr kuni ertalab soat 4 da Magnitogorskda maishiy gaz portlashi oqibatida o‘n qavatli uyning pod’ezdlaridan biri qulab tushgan. FVVning so‘nggi xabariga ko‘ra, portlash natijasida to‘rt kishi halok bo‘lgan, besh kishi kasalxonaga yotqizilgan, 35 kishining taqdiri noma’lum.