Xitoyda muz va qordan yasalgan haykallar festivali boshlandi

Xitoyning Xarbin shahrida anʼanaviy muz va qor haykallari festivali oʻz ishini boshladi, deya maʼlum qildi Yeuronews.com nashri.

Mazkur xalqaro tadbirda dunyoning turli mamlakatlaridan kelgan jamoalar qordan hamda muz boʻlaklaridan turli haykaltaroshlik namunalarini yaratishadi. Eksponatlar esa hakamlar hayʼati tomonidan baholanib, gʻolib jamoa nomi eʼlon qilinadi. Ushbu festival 5 fevralga qadar davom etadi.