Indoneziyada orangutan 74 ta oʻq jarohatidan tirik qoldi

Indoneziyada 74 ta oʻq jarohatidan tirik qolgan urgʻochi orangutan topildi, deb yozadi “Daryo”.
U Achex pronvinsiyasidagi mahalliy fermalardan birida pnevmatik toʻpponchadan oʻqqa tutilgan.

Urgʻochi orangutan bolasi bilan plantatsiyalardan biriga kirgan. Plantatsiya egasi ularni xavfli deb hisoblab oʻqqa tutgan. Orangutan bolasi oʻqdan olgan jarohatlari tufayli halok boʻlgan.

Hope (Umid) deb laqab qoʻyilgan urgʻochi orangutan esa reabilitatsiya qilish uchun hayvonlar parvarish qilinadigan markazga olib ketilgan.
Orangutanlar yoʻqolib ketish arafasida boʻlgan hayvon boʻlib, dunyo boʻyicha ular atigi 100 mingta qolgan.