Italiyada apelsin o‘lchamidek do‘l yog‘di (foto, video)

Italiyaning markaziy qismida, Adriatika dengizi sohilbo‘yi hududida apelsin o‘lchamidek do‘l yog‘di. Bu haqda ANSA axborot agentligi xabar berdi.

<sup>Foto: Ijtimoiy tarmoqlar

Foto: Ijtimoiy tarmoqlar</sup>
Do‘l Peskara kommunasida yog‘gan. Yirik do‘l sababli 18 kishi olingan jarohatlar oqibatida shifoxonaga tushgan. Ular orasida yuz va boshidan jarohat olgan homilador ayol ham bo‘lgan.

Shuningdek, do‘l shaharga ham jiddiy talofat yetkazgan: avtomobillar shikast yegan, oynalar singan, uylarning tomlari ilma-teshik bo‘lgan.

^{Foto: Ijtimoiy tarmoqlar}
Meteorologlar Italiyadagi bunday ekstremal ob-havoni yilning bu davrida Azor antitsikloni hosil qilgan tabiiy himoya yo‘qolgani bilan tushuntirishgan.

WOW!!! BRUTAL #hailstorm with huge hail in Pescara, #Italy this afternoon 10th July! Video via Cottage_viaggi IG #SevereThunderstormWarning #extremeweather pic.twitter.com/jNzPRlPM0h

— WEATHER/ METEO WORLD (@StormchaserUKEU) July 10, 2019