Shvetsiyada kartoshkadan ekologik toza idish yasalmoqda

Shvetsiyaning Lundsk universitetining talabasi Pontus Ternkvist kartoshka kraxmalidan bir marotabalik idishlarni yasashga muvaffaq bo‘ldi.

Uning kashfiyoti Potato Plastic deb atalib, atrof-muhitga zarar yetkazmaydi va tashlangandan so‘ng tezda, ikki oy ichida parchalanib ketadi. Chunki uning tarkibida faqat kraxmal va suv bor. Mutaxassislarning fikricha, jahon okeaniga yiliga 8 million tonna plastik tushadi va oziq-ovqat sanoati ifloslanishning asosiy omili hisoblanadi.