Polshalik qiz yangi «Dunyo goʻzali»ga aylandi

Polshalik Karolina Belyavska yangi «Dunyo goʻzali»ga aylandi.

Qiz ayni damda menejment boʻyicha magistraturada oʻqiydi. Kelajakda u nomzodlik dissertatsiyasini himoya qilishni rejalashtirmoqda. Shuningdek, gʻolib koʻngilli boʻlib ham faoliyat yuritadi, uysizlarga yordam beradi, model sifatida ishlaydi.

Ikkinchi oʻrinni AQSh vakili Shri Saini, uchinchi oʻrinni Kot-d`Ivuar fuqarosi Oliviya Yache egalladi.

Taqdirlash marosimi Puerto-Rikoda boʻlib oʻtdi. Xalqaro goʻzallik tanlovida birinchi marta turli mamlakatlardan, jumladan Iroq va Somalidan jami 97 nafar qiz ishtirok etdi.