Putin Rossiya bozorini milliy valyutalardagi hisob-kitobga o‘tkazishni tayyorlashni topshirdi

Rossiya bozorini milliy valyutalardagi hisob-kitoblar ulushining sezilarli o‘sishiga tayyorlash zarur. Bu haqda Rossiya prezidenti Vladimir Putin neft va gaz sektoridagi vaziyatga bag‘ishlangan yig‘ilishda ma’lum qildi.

“Umuman olganda biz tashqi savdo tizimida milliy valyutalardagi hisob-kitoblarning ulushini tubdan oshirish niyatidamiz. Bu yo‘nalishlardagi muhim qadamlar allaqachon tashlanmoqda, va bu yerdagi asosiy vazifa – har qanday xorijiy valyutani erkin va kerakli hajmda Rossiya rubliga almashtirish mumkin bo‘lishi uchun valyuta bozorimizni bu o‘tishga tayyorlashimiz darkor”, - dedi Rossiya rahbari.

Putin ishonchsiz valyutalardan voz kechish bu Rossiya iqtisodiy xavfsizligi nuqtai nazaridan strategik vazifa ekanini ta’kidladi.Putin Rossiya bozorini milliy valyutalardagi hisob-kitobga o‘tkazishni tayyorlashni topshirdi

Eslatib o‘tamiz, avvalroq Rossiya bosh vazirining birinchi o‘rinbosari Andrey Belousov Rossiya hamkorlari bilan milliy valyuta asosida hisob-kitob qilish tizimini yaratish xususida muzokaralar olib borayotganini ma’lum qilgani xabar qilingan edi.