O‘zbekistonda kafe va restoran biznesi o‘sishda davom etmoqda

2026 yilning yanvar–mart oylarida O‘zbekistonda umumiy ovqatlanish korxonalari savdo aylanmasi 49,8 trillion so‘mni tashkil etdi.

Milliy statistika qo‘mitasi ma’lumotlariga ko‘ra, bu o‘tgan yilning shu davriga nisbatan 8,2 foizga ko‘p. Bu kafe va restoranlarga talab oshib borayotganini ko‘rsatmoqda.

2026 yil 1 aprel holatiga ko‘ra, mamlakatda umumiy ovqatlanish sohasida 27 ming 312 ta tijorat korxonasi faoliyat yuritmoqda.

Avvalroq yanvar–fevral oylarida ushbu yo‘nalishdagi savdo aylanmasi 33,7 trillion so‘mga yetgani ma’lum qilingan edi.