Rossiya milliy valyutalarda hisob-kitob tizimini yaratish borasida muzokaralar olib bormoqda

Rossiya hamkorlari bilan milliy valyuta asosida hisob-kitob qilish tizimini yaratish xususida muzokaralar olib bormoqda. Bu haqda Rossiya bosh vazirining birinchi o‘rinbosari Andrey Belousov ma’lum qildi.

“Asosiy chet ellik hamkorlar bilan milliy valyutalar asosida hisob-kitoblarning xavfsiz infratuzilmasini yaratishga oid muzokaralar olib borilmoqda”, - dedi Belousov. Uning so‘zlaridan RIA Novosti iqtibos keltirgan.

Eslatib o‘tamiz, O‘zbekiston respublika valyuta birjasi savdolarida Rossiya rubli/so‘m valyuta juftligi bo‘yicha bitimlar tuzilishi boshlangan.