Samarqand milisiyasi mehmonxonaning 12-qavatidan o‘zini tashlamoqchi bo‘lgan qiz hayotini saqlab qoldi

“Yaqinda Samarqand shahrida bo‘lib o‘tgan voqea barchani ogoh va hushyorlikka, hamisha har narsaga e’tibor bilan qarashga chorlasa, ajab emas”, – deb yozadi O‘zbekiston IIVning “Postda” gazetasiga asoslanib kun.uz.

“Batalon xodimlari, serjant Sh. Esonqulov hamda safdor A. Sherbekov shaharning gavjum joylaridan birida xizmat vazifasini bajarishayotgandi. Shunda mehmonxonaning 12-qavatidagi balkonda turgan qizning xatti-harakati ular e’tiborini tortadi”, – deyiladi gazeta xabarida.

“Zudlik bilan mehmonxonaga kirib, qulflangan eshikni ochib, ichkariga kirishganda qiz o‘zini pastga tashlashga chog‘langan edi. Ammo xodimlarning tezkor harakati tufayli qizning hayoti saqlab qolindi”, – deya qo‘shimcha qilinadi gazeta xabarida.

Qizning kimligiga, u aynan qaysi mehmonxonaning 12-qavatidagi balkonda bo‘lganiga, shuningdek, voqea aynan qachon bo‘lganiga, qiz nima sababdan bunday harakatni amalga oshirganiga aniqlik kiritilmagan.