Predrag Rogan: "Raqib bir necha bor sportga noloyiq harakatlarni amalga oshirdi"

Superliganing 8-turidan o‘rin olgan \"Dinamo\" – \"Navbahor\" (0:1) uchrashuvidan so‘ng mezbonlar bosh murabbiyi Predrag Rogan fikrlarini bildirib o‘tdi.

\"Ilk marta raqib jamoani g‘alaba bilan tabriklay olmayman. Guvohi bo‘lganingizdek, o‘yin tengma-teng ruhda o‘tmadi. O‘ylashimcha, raqib feyr-pleyga amal qilmadi. Bilmadim, ular sportni qanday tasavvur qilishadi. Sportda raqibga hurmat bo‘lishi kerak. Raqib esa bir necha bor sportga noloyiq harakatlarni amalga oshirdi. Boshqa gapim yo‘q\", - deydi \"Dinamo\" bosh murabbiyi.