Jeymi Vardi: Chempionlik – «Lester» tarixidagi eng buyuk lahzadir

“Lester” jamoasi hujumchisi Jeymi Vardi uning klubi Angliya chempion bo‘lganligidan mamnun ekanini aytib, bu borada o‘z taassurotlari bilan o‘rtoqlashdi. Bu haqda \"Uff.uz\" xabar berdi.

“Bu tushuntirib bo‘lmas hissiyot. Biz singari chempion bo‘lgan jamoalar haqida hech qachon eshitmaganman. Mavsum boshida maqsadimiz APLda jon saqlab qolish edi. Bugun esa biz chempionlikni nishonlayapmiz. Har bir futbolchining jonkuyarligi evaziga bugun muvaffaqiyat nashidasini suryapmiz.

Bu “Lester” tarixidagi eng buyuk lahzadir. Biz ana shu tarixning bir qismi ekanimizda g‘ururlanamiz. Mashg‘ulotlardagi har bir daqiqa mana shu lahza uchun amalga oshirilgandi”, – dedi Vardi.