Lazizbek Mullojonov qozog‘istonlik raqibini nokautga uchratdi (video)

Superog‘ir vaznli bokschimiz Lazizbek Mullojonov Polshadagi boks oqshomida ringga ko‘tarildi.

Ushbu jangda hamyurtimizga qozog‘istonlik Nursulton Amanjolov raqiblik qildi.

6 raundga mo‘ljallangan jang 1-raunddayoq yakunlandi. Dastlabki raunddayoq Lazizbek qozog‘istonlik raqibini texnik nokautga uchratdi.

Bu Amanjolov uchun faoliyatidagi ilk mag‘lubiyat bo‘ldi. U bungacha 5 ta jangda g‘alabaga erishgandi.

Mullojonov esa g‘alabali seriyasini 4 taga yetkazib oldi.