Osiyo kubogi. Tarixiy natijani takrorlab, yarim finalgacha bora olamizmi?
Osiyo kubogi 3-turi doirasida Avstraliya va O‘ZBЕKISTON terma jamoalari o‘zaro kuch sinashdi va unda tomonlar 1:1 hisobida durang o‘ynadi.
Dastlab, \"yashil qit’a vakillari\" Boylning penaltidan urgan goli evaziga hisobda oldinga chiqib oldi. Ammo 79-daqiqada Aziz Turg‘unboyev baland sakrab, boshi bilan gol urdi va muvozanatni tiklab qo‘ydi.
Bellashuvdan so‘ng termamiz himoyachisi Rustam Ashurmatov o‘z fikrlari bilan o‘rtoqlashdi:
- O‘yin yaxshi bo‘ldi. To‘g‘ri, g‘alaba qozona olmadik, ammo mag‘lubiyatga ham uchramadik. Qo‘ldan kelgancha, harakat qilib, tarixiy golni urganimizdan xursandman.
- Biz mazkur uchrashuvga to‘g‘ri tayyorgarlik ko‘rdik va raqibni ertaroq kutib olish rejasini tuzdik. Rejamiz qisman ish berdi. Garchi, raqib ko‘p xavfli hujumlar yaratgan bo‘lsa ham, ularning soni kam edi. 50:50 penaltini inobatga olmasa, biz o‘z ishimizni to‘g‘ri bajardik.
- Tarixiy natijani takrorlashga bugungi jamoaning potensiali yetadimi?
- Bugungi o‘yinni o‘zi bunga javob. Albatta, potensialimiz yetadi. Tarixiy golni urdik, endi tarix yaratish uchun qo‘limizdan kelgan hamma ishni qilamiz.
