Yevro—2024. Portugaliya Turkiya ustidan yirik hisobda g‘alaba qozondi (video)

Futbol bo‘yicha Yevropa Chempionatining F guruhida Turkiya va Portugaliya terma jamoalari 22 iyun, shanba kuni o‘zaro bahs olib bordi.

Uchrashuvning dastlabki daqiqalaridan Portugaliya to‘liq ustunlikni qo‘lga oldi. 21-daqiqada Bernardu Silva hisobni ochdi. 7 daqiqa o‘tib Portugaliyaning shiddatli hujumidan so‘ng Turkiya futbolchilari o‘z darvozasiga to‘p kiritib qo‘ydi.

Ikkinchi bo‘lim ham portugallarning hujumlari bilan boshlandi. 55-daqiqaga kelib hujumlar samara berdi. Portugaliya futbolchisi Krishtianu Ronaldu darvozabon bilan birga bir holatga keldi. Ronaldu to‘pni Brunu Fernandeshga yetkazib berdi va u aniq harakat qilib, hisobni 0:3 ko‘rinishiga olib keldi.

Shu tariqa 6 ochko to‘plagan Portugaliya keyingi bosqich masalasini hal qildi.

Brununing goliga hammualliflik qilgan Ronaldu assistlar bo‘yicha chempionatning eng yaxshi natija qayd etgan futbolchiga yetib oldi.

Yevro—2024
2-tur
22 iyun, shanba
Turkiya — Portugaliya 0:3
Gollar: Bernardu Silva - 21\', Samet Akaydin - 28\' (avtogol), Brunu Fernandesh - 56\'
Turkiya: Bayindir, Chelik, Bardakji, Akaydin, Ayxan, Kadioglu, Chalxanoglu, Kekchyu, Akgyun, Aktyurkoglu, Yilmaz.
Portugaliya: Diogu Koshta, Joau Kanselu, Pepe, Ruben Diash, Mendesh, Brunu Fernandesh, Palinya, Vitinya, Bernardu Silva, Rafael Leau, Ronaldu.