Parij—2024. Dzyudochi Diyora Keldiyorova yaponiyalik kuchli raqibini magʻlub etdi (video)

Frantsiyaning Parij shahrida yozgi Olimpiada oʻyinlari davom etmoqda.

Dzyudo bahslarida kunning eng muhim voqeligi yuz berdi. Birinchi davradan erkin oʻtgan oʻzbekistonlik dzyudochi Diyora Keldiyorova (-52 kg) ikkinchi bosqichda Tokio—2020 yozgi Olimpiya oʻyinlari chempioni, yaponiyalik Uta Abega roʻbaroʻ keldi.

Ushbu vaznning ikki nomdor sportchilari oʻrtasidagi bahsda Diyora Keldiyorova gʻalaba qozonib, bejiz jahon reytingi peshqadamiga aylanmaganini isbotladi.

Shu tariqa, eng asosiy raqib yoʻldan olib tashlandi. Diyora endi oltin medal sari harakat qiladi.