Romelu Lukaku yana maydonga qaytmoqda

“Napoli” hujumchisi Romelu Lukaku avgust oyida “Olimpiakos”ga qarshi oʻrtoqlik oʻyinida sonidan jiddiy jarohat olgan edi. Belgiyalik futbolchi operatsiyadan voz kechib, konservativ davolanish usulini tanlagan.

Calciomercato xabariga koʻra, hozirda Lukaku soʻnggi tibbiy tekshiruvlardan oʻtmoqda. “Napoli” vakillari vaziyatni optimistik baholashmoqda va hujumchi dekabr oyida oʻyinga tayyor boʻladi, deb umid qilishmoqda.

Shu bilan birga, neapolliklar shoshilmaslikka qaror qilishgan. Lukaku avval sport zalida mushaklarini mustahkamlashi, soʻngra optimal sport formasini tiklashi lozim.

Romelu faqatgina toʻliq tayyor boʻlgandagina maydonga tushadi.