Gullitning "Barselona" o‘yiniga bahosi

Niderlandiya terma jamoasining sobiq futbolchisi Ruud Gullit Chempionlar Ligasi guruh bosqichi doirasida "Bryugge" va "Barselona" jamoalari o‘rtasidagi o‘yinning natijasiga izoh berdi. Belgiyada bo‘lib o‘tgan uchrashuv 3:3 hisobida yakunlandi.

"Nega muvaffaqiyatsizlikka olib kelishi mumkin bo‘lgan o‘yin rejasiga qattiq amal qilish kerak? "Barselona"ning taktikasi – bu kamikadze futbol", – deydi sobiq futbolchi beIN Sportsga bergan intervyusida.

Uchrashuv so‘ngida maydon egalari "Barselona" darvozasiga to‘rtinchi golni urdi, ammo hakamlar brigadasi bu golni bekor qildi. "Barselona" hozirda 7 ochko to‘plagan va turnir jadvalida 11-o‘rinni egallab turibdi.

Jamoa Chempionlar Ligasidagi navbatdagi o‘yinini "Chelsi"ga qarshi o‘tkazadi.