Adani: Napoli uchun eng yomon o'yin

Italiyalik sobiq futbolchi Daniyele Adani "Napoli"dagi inqiroz haqida fikr bildirdi. Unga ko'ra, "Bolonya"ga qarshi mag'lubiyatdan so'ng, hissiyotga beriluvchan Antonio Konte iste'foga chiqishga tayyor bo'lgan.

Adanining so'zlariga ko'ra, bunday munosabatni Konte xarakteridan kelib chiqib kutish mumkin edi. Shunga qaramay, Adani Konte yaqin orada iste'foga chiqishiga ishonmaydi.

"Bu Konte davridagi "Napoli" uchun eng yomon o'yin edi va bu e'tibordan chetda qolishi mumkin emasdi. Ammo u klub haqida gapirganda o'zining iste'fosini emas, balki mas'uliyatni, har bir kishiga yordam berishga tayyor ekanligini va motivatsiya haqida so'z yuritdi", – dedi Adani calcionapoli1926.it nashriga bergan intervyusida.

Eslatib o'tamiz, Antonio Konte "Napoli"ni 2024 yildan beri boshqarib kelmoqda.