Arsenalda Artetaning kelajagidan xavotir yoʻq

Londonning \"Arsenal\" klubi bosh murabbiyi Mikel Artetaning amaldagi shartnomasi yana bir yarim yildan keyin yakuniga yetadi. Hozircha yangi kelishuv boʻyicha muzokaralar olib borilayotgani yoʻq, biroq \"kanonirlar\" rahbariyati vaziyatdan umuman xavotirda emas.

TEAMtalk nashri xabariga koʻra, ispaniyalik mutaxassis yaqin kelajakda klubdan ketishni rejalashtirmayapti. Shu bois kelishuvga erishish muammosiz boʻlishi kutilmoqda.

Mikel Arteta 2019-yil oxiridan buyon \"Arsenal\"ni boshqarib kelmoqda. Ayni paytda uning jamoasi Angliya Premyer-ligasida 26 ochko toʻplab, musobaqa jadvalida birinchi oʻrinni egallab turibdi.

\"Manchester Siti\" esa ulardan toʻrt ochkoga ortda qolmoqda.