Barselona Erik Garsiya bilan shartnomani uzaytirmoqchi

Kataloniyaning \"Barselona\" klubi himoyachi Erik Garsiyaning vakillari bilan muzokaralarni boshladi. Ma\'lum qilinishicha, \"koʻk-anorranglilar\" 24 yoshli futbolchi bilan hamkorlikni davom ettirish niyatida.

Bu haqda Mundo Deportivo nashri xabar bermoqda. Manbalarning ma\'lumotiga koʻra, klub Garsiya bilan yangi shartnomani 2025-yil oxirigacha rasmiylashtirishni rejalashtirmoqda.

Shartnoma muddati toʻrt yoki besh yilga uzaytiriladi. Himoyachi esa \"Barselona\"da qolishga tayyor.

Erik Garsiya 2021-yil yozidan buyon \"Barselona\" safida oʻynab kelmoqda. Uning transfer qiymati 25 million yevroga baholanmoqda.

Joriy Ispaniya La Liga mavsumida Garsiya 12 ta oʻyinda maydonga tushib, 1 ta gol urishga erishgan.