Anchelotti penalti ijrochisini almashtirish sababini tushuntirdi

Braziliya terma jamoasi Tunisga qarshi o‘rtoqlik uchrashuvida 1:1 hisobida durang o‘ynadi. Birinchi bo‘limda "selekao" penalti orqali hisobni ochdi, gol Estevao tomonidan kiritildi.

Ikkinchi bo‘limda Braziliya yana penalti ishlab oldi, biroq bu safar jarima to‘pini Lukas Paketa amalga oshirdi va gol ura olmadi. Braziliya milliy jamoasi bosh murabbiyi Karlo Anchelotti penalti ijrochisini o‘zgartirish sababini izohladi.

"Paketa bizning asosiy penalti ijrochimiz. Ikkinchi penaltida Estevaoga ortiqcha bosim tushmasligi uchun ijrochini almashtirdim.

Paketani tayinladim, chunki u odatda penaltini juda yaxshi amalga oshiradi", - dedi Anchelotti jurnalistlarga. Braziliya terma jamoasi yozda 2026-yilgi Jahon chempionatida ishtirok etadi.