Real Vinisius bilan yangi shartnoma tuzadi

Madridning "Real" jamoasi hujumchisi Vinisius Junior klub bilan shartnomasini uzaytirishga yaqin turibdi. 25 yoshli braziliyalik futbolchining amaldagi shartnomasi 2027-yilda yakunlanishi kerak, biroq tomonlar yangi kelishuv bo'yicha dastlabki kelishuvga erishdi.

Bu haqda Diario AS xabar bermoqda. Soʻnggi "El-Klasiko" oʻyinidagi voqealar, ya'ni futbolchining ikkinchi bo‘limda almashtirilishiga keskin munosabat bildirgani bu qarorga ta'sir qilmagan.

Joriy mavsumda Vinisius "Real" safida barcha musobaqalarda 16 ta oʻyinda maydonga tushib, 5 ta gol urdi va 4 ta golli uzatmani amalga oshirdi. U 2018-yildan beri "qirollik klubi" sharafini himoya qilib kelmoqda.