Mbappening pokeri unga haftaning eng yaxshi futbolchisi unvonini keltirdi

Kilian Mbappe Chempionlar Ligasi haftasining eng yaxshi futbolchisi deb topildi. "Real" hujumchisi guruh bosqichining beshinchi turida "Olimpiakos"ga qarshi o'yinda poker qayd etganidan so'ng ovoz berishda yetakchilik qildi.

Mazkur uchrashuv Madrid jamoasining 4:3 hisobidagi g'alabasi bilan yakunlandi. Mbappe tomonidan qayd etilgan poker ushbu so'rov natijasida uning foydasiga hal qiluvchi omil bo'ldi.

Ikkinchi o'rinni "PSJ" yarim himoyachisi Vitinya egalladi, u o'z o'yinida xet-trik qayd etdi. Uchinchilik esa "Marsel" futbolchisi Pyer-Emerik Obameyangga nasib qildi.