Nikolas Pas Italiyada porlamoqda

“Komo” jamoasining hujumkor yarim himoyachisi Nikolas Pas A Seriyada o‘z mahoratini namoyish etishda davom etmoqda. Juma kuni 21 yoshli futbolchi “Sassuolo” ustidan 2:0 hisobida qozonilgan g‘alabada jamoasiga muhim yordam ko‘rsatdi va bitta golli uzatmani amalga oshirdi.

Opta maʼlumotlariga koʻra, argentinalik futbolchi joriy mavsumda Yevropaning beshta yetakchi ligasida 5 ta gol va 5 ta assist ko‘rsatkichiga erishgan ikkinchi o‘yinchi bo‘ldi. Bungacha bu natijani “Bavariya” aʼzosi fransiyalik Maykl Olise qayd etgan bo‘lib, uning hozirgi koʻrsatkichi 6+6 ni tashkil qiladi.

Nikolas Pas Italiya chempionati assistlar ro‘yxatida 5 ta golli uzatma bilan yetakchilik qilmoqda. Shuningdek, yosh yulduz hisobida 5 ta gol ham mavjud.

“Komo” jamoasi A Seriyaning turnir jadvalida 13 o‘yindan so‘ng 24 ochko bilan oltinchi o‘rinni egallab turibdi.