Lautaro: Kuchimizni ko'rsatdik

Italiya chempionatining o'n to'rtinchi turida "Inter" jamoasi "Komoni" yirik hisobda mag'lubiyatga uchratib, Sezk Fabregas boshchiligidagi jamoaga o'z kuchini ko'rsatdi. Milanliklar sardori Lautaro Martines hisobni ochib berdi.

U o'yin haqida fikr bildirar ekan, raqibning sifatlarini ham e'tirof etdi. "Bugun kuchimizni namoyish etdik, chunki raqib jiddiy va istiqbolli yosh futbolchilar hamda ijodkor murabbiyga ega edi.

Bu biz uchun muhim va yorqin g'alaba bo'ldi", – dedi Lautaro Martines fcinter1908.it nashriga bergan intervyusida. Eslatib o'tamiz, argentinalik hujumchi 2018-yildan beri "Inter" safida to'p surmoqda.