Nant klubi bosh murabbiyini o‘zgartirdi

Fransiyaning "Nant" futbol klubi bosh murabbiyini o‘zgartirdi. Klub matbuot xizmatiga ko‘ra, jamoani endilikda Ahmad Qantari boshqaradi.

Qantari klub bilan yil oxirigacha shartnoma imzoladi va u bu lavozimda Luis Kashtruni almashtirdi. Ahmad Qantari "Nant" klubiga begona emas, u 2025-yilning birinchi yarmida klubning o‘sha vaqtdagi murabbiyi Antuan Kombuarega yordamchi bo‘lib ishlagan.

Eslatib o‘tamiz, Fransiya chempionatining 15-turidan so‘ng "Nant" eng quyi o‘rinlardagi jamoalardan biri hisoblanadi. Hozirda jamoa 17-o‘rinda 11 ochko bilan joylashgan, faqatgina qo‘shimcha ko‘rsatkichlar tufayli "Mets"dan yuqorida.

"Nant" yangi bosh murabbiy qo‘l ostidagi ilk o‘yinini juma kuni, 12-dekabrda o‘tkazadi. 16-tur doirasida "Kanareykalar" "Anje"ga qarshi bahs olib boradi.