Fabio Kannavaro A Seriya chempioni Napoli bo'lishiga ishonadi

2006 yilda «Oltin to'p» sohibi bo'lgan va Italiya terma jamoasi bilan jahon chempioni Fabio Kannavaro «Napoli» navbatdagi A Seriya chempioniga aylanishiga shubha qilmayapti. Eslatib o'tamiz, neapolliklar amaldagi Skudetto sohibi hisoblanadi, jamoani esa Antonio Konte boshqarmoqda.

«Men uchun javob ayon: «Napoli» chempion bo'ladi, garchi «Inter» kuchliroq bo'lsa ham. «Milan»da Allegri bor, u juda ayyor mutaxassis, bundan tashqari jamoaning yevrokuboklarda ishtirok etmasligi ham muhim omil.

«Roma» esa Turin «Yuventus»idan bir qadam oldinda», — deya Kannavaroning so'zlarini pianetamilan.it keltiradi. Ayni paytda turnir jadvalida «Inter» yetakchilik qilmoqda.