Kafanov Safonov haqida gapirdi: PSJda birinchi raqam aniq bo‘ldi

Rossiya milliy jamoasi darvozabonlar murabbiyi Vitaliy Kafanov darvozabon Matvey Safonov haqida fikr bildirdi. Mutaxassisning aytishicha, Safonov doim asosiy darvozabonlik uchun raqobatda g‘olib chiqishiga ishongan.

Kafanov ta’kidlashicha, Qit’alararo kubok finali burilish nuqtasiga aylangan. \"Bu o‘yin burilish nuqtasi bo‘ldi, Safonov haqida butun dunyoda gapira boshlashdi.

Shu o‘yindan keyin PSJda kim birinchi raqam ekani aniq bo‘ldi. Bu uchrashuv hammasini o‘z o‘rniga qo‘ydi\", — deya Kafanovning so‘zlarini \"Match TV\" keltiradi.

Ma’lumki, Qit’alararo kubok finalida \"Flamengo\"ga qarshi o‘yinda Matvey Safonov o‘yindan keyingi penaltilar seriyasida to‘rtta zarbani qaytardi. Shu tariqa PSJ 2025 yilda oltinchi sovrinini qo‘lga kiritdi.