Rabio «Milan»ning autsayderlarga ochko yo‘qotishini tushuntirdi

Fransiyalik yarim himoyachi Adrien Rabio «Milan» nega o‘rtamiyona va autsayder jamoalarga qarshi oddiy vaziyatlarda muntazam ochko yo‘qotishini izohladi. «Biz mental jihatdan xato qilamiz, balki ish bitdi, deb ortiqcha bo‘shashib qolamiz.

Bu sindromdan qutulib, hammani bir xil jiddiy qabul qilishimiz kerak. Bu yerda tajribaliroq futbolchilar ishga kirishishi, ehtimol, yoshlarga biroz qattiqroq gapirishi ham lozim.

Bu unchalik yoqimli bo‘lmasligi mumkin, ammo “Milan”dan kutilyotgan talablar juda katta, shuning uchun bu zarur», — deya Rabioning so‘zlarini keltiradi pianetamilan.it. Hozirda klub A Seriyada ikkinchi o‘rinda bormoqda.